有一间厝,讨账的真多,
椅仔咯,椅条咯,拢坐到满满.

尚更有一个坐在户碇里,
主人就偷去与伊讲:
"请汝明仔早起,较早来[一下]."

彼个讨账的就自己想:
"这得确是明仔早起,
主人要预先还我的账."

心肝内真欢喜,
伊就大声喝:
"此间厝真正无钱了,
咱大家返来去[口荷]."

及到第二早起,真早,
彼个人就先去,
叫主人还伊的钱.

主人就讲:
"我不是想要还汝的钱,
因为汝昨昏在彼户碇坐,
我心肝内过没得去,
所以即请汝今仔日较早淡薄仔来,
可预先占一块椅去坐,
我想如此,就[伊心]大家若来,
亦是免惊汝又无位可坐,
即如此讲的."

彼个讨账的听见此号话,
气到半小死,
沿路行,沿路肏撠此个主人回去.