有所在,有一個青瞑的.
此個青瞑,暗時出門的時,
定著夯燈仔在行.

有人問伊:
"親像汝青瞑的人,
有甚路用即夯燈仔?"

伊就應伊講:
"汝想了奇怪亦是著.
我暗時行的時,
夯燈亦是無甚麼路用.
總是,我夯燈在行的時候,
目金的人沒衝著我.
尚馬車咯,手車咯,攏閃對邊仔去,
實在是真好勢了."

彼個人聽了大大拜服,
此條事情講給別個青瞑聽.
彼個青瞑想去真好,
以後暗時出門的時,
定著夯燈仔.

有一暗,在路中央二個青瞑在相罵.
一個講:
"汝怎樣衝著我,
汝無看見此枝燈是否?"

尚一個青瞑的講:
"汝在講甚貨?
汝就是怎樣仔衝著我?
我亦是有夯燈仔,
汝亦無看著是否?"

如此生在罵來罵去,
煞尾即起手相打.

適彼時,有一個人對彼經過,
倚去拿開,即與[伊心]二個青瞑的講,
二人的燈火熄去的事情.

就[伊心]二個平平會不著彼號草率,
續分散東西去.