在早有所在,有二個兄弟仔.
大兄是不止狡怪,小弟是痴呆.
有一日彼二個兄弟仔參商
要激酒的事情.

小弟就問大兄講:
"大家公家要激酒的時候,
汝是要出甚貨?
尚我著愛出甚貨?"

大兄就應伊講:
"汝著出米,我要出水."

小弟是戇戇,攏不知天地,
想一時仔,即講:
"像如此生來激酒,
酒若激好的時候要怎樣分?
彼亦著講定著較好."

伊的大兄就講:
"彼是免問亦知知的事,
我是出水,所以水是應該我得的,
其餘剩的是汝的額."

伊的小弟憨憨講:
"是如此,我沒曉得即問汝的,
聽汝講如此,今我能曉得,
如此不止公道."

彼時在邊仔有聽見的人,
聽見此號話,呆一下續無話可講,
各個在相對相而已.