有一个不止贪心的.
定定不时在想趁钱的法度,
见遇着人就问.

有一日,一个较贤,较好文墨的人来,
伊就不止欢喜,又问伊趁钱的法度.
彼个人就应伊讲:
"好了,我要教汝一个稳当能趁钱的法度,
总是汝先给我一千元,即要."

彼个贪心的心肝内在想:
"若是学着趁钱的法度,
就一千元亦随时讨能得返来,
无要紧,无要紧."
将一千元交给伊,

伊就提彼个银,收置衫仔怀,即讲:
"汝看咧,
这是趁钱的法度了,
汝亦照如此做."