分享:
▼
x0
|
之前应该有人 post 过，半夜三更，楼上有时会传出〝的的搭搭〞o既声响，我谂好多人都曾经听过。又或者会奇怪边个会〝黑妈妈〞o系度玩波子？有 d 人更会认为系有〝污糟o野〞。
近排先知道，原来所谓〝楼上波子声〞好多时系隔离屋、楼上楼下又或者自已屋企有人开 / 闩水喉引起o既。（尤其系闩水喉）
开 / 闩水喉o个阵，一般都系一下子扭开 / 扭紧，而唔系慢慢开或者慢慢闩。由于突然的开 / 闩，水管内o既水压突然变异，管内食水会产生波动（water hammer）。如果波动辐度大，喉管会产生震动，传到大厦墙身，震动声就会好似〝波子跌落地〞咁o既声。（据说，声音清唔清脆仲同大厦墙身物料有关）
大厦设计工程师一般都会考虑到呢种问题。除非o系用水量非常低o既时段，〝波子声〞通常都可以避免的。o系用水量低的时段，同时用水o既单位唔多时（即系深夜时段，所以一般听到〝波子声〞都会系深夜时段），可能成幢大厦只有一个单位用水。如果该单位处于大厦高水压供水位置（大厦通常都由天台水箱供水，低层住户o既水压会较高），当住户用水后一下子扭紧水龙头，水管内回涌就会非常大（即等如你全力冲向一个出口，正当你就冲过o既时候，门突然闩埋..............），由于无其他单位同时用水，管内回涌得唔到缓冲，咁就会产生我头先所讲o既震动声响。
如果你经常听到〝波子声〞，而你又肯定邻居无人真系玩紧波子，咁你住紧o既大厦供水系统得可能已经出现问题。喉管长期抵受强大水压回涌好容易会导致喉管破裂。
所以大家其实可以留意o下，一般话听到〝波子声〞o既，都系一 d 比较有咁上下楼龄o既大厦、屋村，同埋都系住o系档层较低o既单位o既！
|
