有一個人手裡提一千元銀.
有一日遇著一個貧赤人,
將自己的好額弄拈伊,即講:
"我有一千元銀,
汝怎樣不尊敬我呢?"

貧赤的就講:
"汝有一千元銀,
不拘,彼是汝的物,與我無相干,
我尊敬汝,無甚麼路用."

好額的又與伊講:
"我若分給汝一半,
汝就敢能尊敬我呢?"

貧赤的人更再講較竅妙的話:
"汝有一千元銀,
自己留五百元,五百元分給我,
如此就汝與我平等,平多的金額,
我何愛尊敬汝呢?"

好額的就更講:
"若如此,我若真張,盡有此個
一千元銀,攏總給汝的時候,
總無如此,亦汝無尊敬我的道理?"

貧赤的就講:
"汝的一千元銀,我攏總與汝提了,
汝就著尊敬我,即合式,
我更較免尊敬汝的了."