有一個教書先生,
在庄裡教學,

彼個學生若有做神明生,公媽忌,
都請先生去食燒酒.
先生不止歡喜.

內中有一個較貧赤的學生,
攏不曾請伊.
彼個先生不時問彼個學生:
"恁厝攏不曾做忌是否?"
問到真多次.

彼個學生返去,與[伊心]老母講:
"阮先生不知怎樣,屢屢問,
恁厝裡不曾做忌是否?"
[伊心]老母,就知先生餓鬼,想要食.

過四五日,[伊心]老母對[伊心]子講:
"今仔日阿媽做忌.
汝去請先生較早來
咱厝坐坐咧."

到日要午,先生與[伊心]子相[毛火]
就來,站廳裡坐等候.

[伊心]老母已經先買二個餅,
置在彼窗仔邊.假意站廳後,
用空[金鼎]煮到吱吱哮,
煮到三,四點鐘,尚未可好食.

不拘先生等候到傷晏,
腹肚已經饑到擋沒住,
看見窗仔有二個餅,
緊提起來就食.

伊在廳後偷看,
看到先生彼二個餅
已經食落去了,
即出來與先生行禮,
講:
"給先生等候真久咯,真失禮."

又特意行去窗仔邊,
尋彼二個餅.
看見餅無去,假怒氣,
緊叫[伊心]子來問,
講:
"汝此個夭壽仔,
彼窗仔的餅,是毒鳥鼠的餅,
內面入毒藥在得.
是汝偷食去的乎.
若過六點鐘久就能死.
汝著照實說,
若不講就能死咯."

彼個先生聽了著驚,
非常的煩惱,彼時即講實在:
"彼個餅是我腹肚饑,
食落去的.今要怎樣呢?"

[伊心]老母講:
"噯喲,今著緊吐出來就能好."

緊緊越入去房間內,
捧一桶屎出來,
與先生灌入嘴內,
叫伊緊吐出來.

先生愈飲愈吐,
吐了即返去.