amosan21
   
|
分享:
▼
x0
|
後感:
今晚岩岩同朋友睇完呢套改編自漫畫 <頭文字D> o既電影, 兩個字: 超正!!!!!!!! 戲中各位演員其實都演得唔錯, 尤其秋生及杜汶澤...兩位演員確實功不可沒, 為電影帶動了很多氣氛, 如果冇左佢地兩個, 本片確實失色不少。
另外周杰倫雖然演技可能真係麻麻, 但畢竟係電影界佢只屬於係新人, 有待磨練呢...不過睇得出佢都係有努力o既, 豈碼佢沒有找配音, 全用原聲, 雖然對白有時講到東倒西歪, 但並沒有引起反感, 輸了給別人果份不甘心, 都可以比觀眾感受得到。
余文樂及小春既發揮機會唔多, 不過角色都幾入格。而Edison扮演o既涼介, 雖然可能與原著相比, 有欠成熟...但型仔搭夠, 而且幾有味道...個人覺得佢既演技比以前進步了, 而且佢亦作為了整套電影o既牽連者, 如果真係有續集, 這個角色應該保留。
至於兩位重要配角 秋生及杜汶澤, 真係值得一讚, 不得不提, 秋生身為影帝級人馬, 演技不庸致疑...扮演o既文太相當神似, 入型入格。 杜汶澤 飾演 拓海o既好朋友 阿木, 夠晒出位、抵死...為本片增添了不少歡樂感, 給人很深o既印象...佢地兩個雖然唔係主角, 但卻十分重要, 正所謂牡丹雖好，都要綠有葉扶持, 這個道理相信大家都很明白。
總括黎講, 呢套電影本人給予頗高o既評價, 強烈建議大家入戲院觀賞, 尤其係男仕及睇過漫畫o既朋友, 不過如果係十分要求忠於原著漫畫o既朋友, 本片某D劇情可能會令閣下有點失望, 但作為一本漫畫o既改編電影, 本人已很滿意, 畢竟漫畫跟電影始終是兩回事...要完完全全複製過來, 並不是那麼簡單的...總會有出入, 係呢到我唔明點解會有朋友於yahoo大踩這部電影, 說這是垃圾, 說欣賞o既觀眾同樣垃圾, 本人看到十分反感, 一套電影o既製作有沒有誠意, 其實一看便知, 作為港澳地區o既朋友, 我們是否應該客觀一點去分析, 我們是否應該適當地支持一些有誠意o既本地作品, 而不是一尾轉牛角尖, 固步自封。
以上都是本人o既一點意見, 如有得罪, 望各位見諒。
此文章被評分,最近評分記錄| 財富:50 (by 亞妹) | 理由: 感謝您的心得分享^^ 不過看完還真的蠻吃力的 | |
|
|
|
